 الصدااااااااااقه ((( ابيات جميله)))
نزعل ونتكبر وحنا من الطيـــن..
والكل منا يصد لا اقبل خويــــه..
نفخر نقول أنا على الصد قــــاوين..
وهي علينا في الحقيقه قويـــــه..
نشفق على الطيبه وفعل الكريمـين..
وهذي بنا لاشك فعله رديـــه..
ننسى نهايتنا وعلى وين ماشيــن..!
وننسى الزمان اللي جمعنا سويـــه..!
المشكله ماهي بحاجه لتخميــن..
ولاهي بعد ياناس صعبه القضـــيه..
دق الرقم كيفك هلا فيك واهليـــن..
انا الخوي اللي مزعل خويــــه..
قله تغيب وصورتك داخل العيـــن..
ويبقى لحبك في خفوقي بقيـــه..
احباب حنا لو يجي بيننا شيــــن..
ومانفترق دام المحبه نديــــه..
خلك قوي لاتحتكرك الشيـاطين..!
قبل الفوات وقبل وقت المنيــــه،،
كلم محبك بأيسر الهرج واللـــين،،
واعرف جميل الهرج يمسح رديــــه،،
هذي هي الدنيا من الحين للحيـــن،،
لابد بين الناس تحصل خطيـــه،،
ومن لايقدر غلطة احبابه الحيــــن،،
يقرا حروفي ويعتبرها هديـــه،،
باكر تمر سنين وسنين وسنـــين،،
والكل يرحل في الدروب المــديه،،
صدقني تندم وأذكر حروفنا زيـــن،،
تندم على خلك إذا غاب ضيـــه،،
دنيا غريبه واكثر الناس ماشيــن،،
وكم صاحب والله دفنته بيـــديه،،
هلالي والقلب فاضي
| 
العرض العادي
